Cafodd Siop Cwlwm ei sylfaenu ym mis Gorffennaf 2010 gan y tîm mam a merch Linda a Lowri Roberts, â nod syml ond grymus: sicrhau bod llyfrau Cymraeg a diwylliant Cymreig yn hygyrch, yn groesawgar ac yn weladwy - ble bynnag mae pobl yn byw.

O'r dechrau, mae Siop Cwlwm wedi gwneud mwy na gwerthu eitemau yn unig. Mae'n ymwneud â chysylltiad — cysylltu pobl â'r Gymraeg, â storïau Cymreig, ac â'r hyder i archwilio diwylliant Cymreig p'un a ydynt yn siaradwyr rhugl, yn dysgu neu'n chwilfrydig.

Rydym yn falch i fod yn siop lyfrau Cymraeg annibynnol, hollol ddwyieithog, sy'n croesawu cwsmeriaid yn Gymraeg a Saesneg.

Am lawer o flynyddoedd, bu Siop Cwlwm yn masnachu o Farchnad Dan Do Croesoswallt, sydd wedi ennill gwobrau (Powis Hall). Fis Hydref 2022, gwnaethom symud i'n cartref presennol yn 33 Stryd y Beili, Croesoswallt, lle rydym yn parhau i redeg ein siop 'go iawn' a'n siop ar-lein.

Yn aml disgrifir Siop Cwlwm fel yr unig siop Gymraeg y tu allan i Gymru, ac mae'r lleoliad unigryw hwnnw'n siapio popeth a wnawn.

Bob dydd byddwn yn gweithio â:

• Siaradwyr Cymraeg sy'n byw y tu allan i Gymru
  
• Oedolion sy'n dysgu Cymraeg
  
• Teuluoedd sy'n magu plant yn ddwyieithog
  
• Grwpiau cymunedol ac ysgolion
  
• Cwsmeriaid sy'n darganfod diwylliant Cymreig am y tro cyntaf
  

Mae ein siop yn bodoli i ddangos bod diwylliant Cymreig yn ymestun y tu hwnt i ffiniau, a bod yr iaith yn perthyn i le bynnag bydd pobl yn dewis ei defnyddio.

Rydym yn gwerthu amrywiaeth eang, a ddetholwyd yn ofalus, o:

• Lyfrau Cymraeg a dwyieithog ar gyfer pob oedran
  
• Adnoddau sy'n addas i ddysgwyr
  
• Llyfrau i blant ac adnoddau addysgol
  
• Cardiau, anrhegion, nwyddau tŷ a dillad Cymraeg
  
• Anrhegion meddylgar heb fod angen sgiliau Cymraeg
  

Rydym yn gwerthu miloedd o lyfrau Cymraeg, gan gynnwys:

• Llyfrau mewn stoc sy'n barod i'w hanfon
  
• Rhagarchebion ar gyfer llyfrau sydd ar ddod
  
• Llyfrau a archebir yn arbennig ar gyfer cwsmeriaid
  

Mae hyn yn caniatau i ni gefnogi cyhoeddiadau newydd Cymraeg a llyfrau hŷn sy'n gallu bod yn anodd i ddod o hyd iddynt.

Ein nod yw bod yn siop lle mae pobl yn teimlo'n ddiogel i bori, gofyn cwestiynau ac archwilio ar eu cyflymder eu hunain.

Mae croesawu dysgwyr yn rhan hanfodol o hunaniaeth Siop Cwlwm

Mae llawer o'n cwsmeriaid yn oedolion sy'n dysgu Cymraeg am y tro cyntaf, rhieni sy'n cefnogi plant, neu'n prynu anrhegion on heb siarad Cymreag eu hunain.

Rydym yn falch i helpu pobl i ddod o hyd i:

• Lyfrau cyntaf Cymraeg da
  
• Deunydd darllen sy'n addas i ddysgwyr
  
• Llyfrau addas i blant
  
• Anrhegion ystyrlon nad ydynt yn teimlo'n frawychus
  

Nid yw “Dim Cymraeg? Dim problem” yn slogan i ni — dyma'r ffordd byddwn ni'n gweithio.

Mae Siop Cwlwm yn falch i gefnogi'r gymuned Gymraeg mewn ffyrdd ymarferol, bob dydd.

Byddwn:

• Yn rhedeg “Siop Siarad” bob mis ar gyfer dysgwyr a siaradwyr Cymraeg
  
• Yn trefnu digwyddiadau ac ymweliadau gan awduron
  
• Yn gweithio ag ysgolion a chylchoedd meithrin
  
• Yn cyflenwi deunyddiau addysgol a llyfrau Cymraeg a dwyieithog
  
• Yn cynnig gostyngiadau a dosbarthu am ddim i sefydliadau addysgol
  
• Yn rhoi anerchiadau a chyflwyniadau i sefydliadau a grwpiau cymuned
  

Rydym hefyd wedi helpu i sefydlu Cylch Ti a Fi ar gyfer teuluoedd lleol, sy'n adlewyrchu ein cred bod y Gymraeg yn ffynnu lle mae'n weladwy, yn cael ei rhannu ac yn cael ei chefnogi mewn bywyd bob dydd.

Cafodd Siop Cwlwm ei sylfaenu gan Linda a Lowri Roberts, ac mae teulu'n parhau i fod wrth galon y busnes.

Fis Ionawr 2023, bu farw Linda. Roedd hi hapusaf yn gwasanaethu cwsmeriaid â gwên - yn enwedig teuluoedd â babanod ac oedolion sy'n dysgu Cymraeg — ac roedd hi'n ofalus iawn wrth greu a chynnal ein stoc ar y wefan.

Mae ei chynhesrwydd, ei hanogaeth a'i chred ym mhwysigrwydd diwylliant Cymreig yn parhau i lunio sut mae Siop Cwlwm yn gweithredu heddiw.

Mae Lowri'n parhau i redeg Siop Cwlwm ochr yn ochr â thîm bach ymroddedig gan ddwyn ynghyd gwerthu llyfrau, arbenigedd y Gymraeg a chefnogaeth gymunedol.

Mae nifer fach o egwyddorion syml yn arwain yr hyn a wnawn:

• Dylai'r Gymraeg deimlo'n hygyrch, nid yn fygythiol
  
• Dylai llyfrau gael eu dethol yn dda, nid bod yn llethol
  
• Dylai cwsmeriaid deimlo bod croeso iddynt bori a gofyn cwestiynau
  
• Mae gwneuthurwyr, llenorion a chyhoeddwyr annibynnol yn haeddu cefnogaeth
  
• Bydd diwylliant Cymreig yn ffynnu lle caiff ei rannu, nid ei gyfyngu
  

Mae gennym ddiddordeb bob amser mewn clywed am grefftwyr, cynhyrchwyr, dylunwyr a llyfrau newydd, yn enwedig y rheiny sy'n gweithio'n lleol neu'n annibynnol.

Share details about your shipping policies, item returns, or customer service.

Gallwch ddod o hyd i ni yn:

Siop Cwlwm
33 Stryd y Beili
Croesoswallt
SY11 1PX

Oriau Agor

Dydd Llun — 9.30am–5.00pm
Dydd Mercher — 9.30am–5.00pm
Dydd Gwener — 9.30am–5.00pm
Dydd Sadwrn — 10.00am-4.00pm

Mae ein siop ar-lein ar agor bob amser.

Rydym yn fusnes hollol ddwyieithog, ac mae croeso mawr i chi gysylltu â ni yn Gymraeg neu'n Saesneg.